有幾樣野我係好憎嘅。有D之前講過，但係今日一鋪過出晒嚟我好Meng呀！😡😡😡😡😡😡😡😡😡😡😡：
1. 你琴日睇傷風感冒，今日找晦氣衝入黎同我講你啲藥唔Work喎。唔好賴我，唔好賴啲藥得唔得？第一次傷風咩？你第一次食我啲藥咩？最抵死嘅係你唔係第一次睇，亦都唔係最後一次睇我。唔鍾意唔好每次返轉頭搵我！
2. 唔好等我同你只有幾厘米嘅距離，幫你檢查緊喉嚨有冇發炎嘅時候，你擘大個口對住我咳。喂我真係食晒架。你走咗之後我係即刻要洗面，洗走你留咗係我塊面上嘅口水。你核突唔核突呀？你有冇諗過我感受？我帶Mask唔代表我唔會俾你地傳染架！我唔係Full Face-Shield咁睇病架！有個醫生咁樣Full Face-Shield咁睇病，你都驚啦係咪啊？😭😭😭😭
3. 亦都唔好等我喺背脊聽緊你個肺嘅時候，你特登要咳俾我聽。又或者專等我聽緊你個肺嘅時候要同我繼續傾計。我真係一粒字都聽唔清。跟住又要等你唔講嘢我先聽到你個肺，唔好阻大家時間好唔好。
4. 唔好指住甲狀腺條同我講扁桃腺發炎。唔好講你個胃痛但其實原來你肚臍對下條腸痛。
5. 呀20幾歲強國女人，你可唔可以唔好坐喺度好casual咁，喺我問緊症時撩鼻屎？仲要我叫你唔好撩你先至施施然收返埋你隻手指尾。我上堂冇人教過我原來要同病人講：你唔好撩鼻屎！😱😱😱（崩潰Mode）
6. 同一個女人，同我講佢頸椎生骨刺引起佢吞嚥有困難，繼而心跳好大力同心慌慌，但係佢唔係驚個隻心慌慌。即係點？Refer Psyc唔該。
7. 你隻手好痕/腫左/痛等等，唔好期望我一眼就會即刻知係邊隻昆蟲咬到你咁。通常係我要問返你有冇見到俾野咬等等。除非你比蜜蜂針完仲留咗支針喺度咁Obvious，如果唔係嘅話，this might be a surprise, but 我係醫生，唔係昆蟲專家。我好憎昆蟲，你識嘅昆蟲名分分鐘比我多，因為我係非常之刻意咁避開佢哋🐜🕷🐝🐛
8. 呀唔美嘅少女，唔好同我打完甲乙型混合針之後同我Complain隻左手好痛。跟住又覺得痹，又覺得隻手舉唔起但係係咁喺度幫我Fing手。有個包好嘅方法，就係你隻右手而家即刻打埋子宮頸癌針。咁你相對就會覺得隻左手唔痛，因為右手會痛到癲咗。HPV針係連我都覺得好痛嘅針。我試過攤凍佢先打，快打，慢打。每一個方法都痛到入心入肺。Twinrix 真心唔覺得好痛。同埋乜打針包唔痛嘅咩？
9. 仲有呢個唔美嘅少女同姑娘講唔想女醫生幫佢打針，要男醫生。大佬，我得罪咗你啊？同埋我唔會幫你打針架。姑娘先打㗎。搞乜係要逼個男醫生出山幫你打針？人哋都係幫你打手臂，唔會佔你便宜吃你豆腐架，你諗多咗啦！#俾人嫌棄所以發爛渣
Search